विराटनगर । इङलिस प्रिमियर लिग फुटबलमा लिभरपुलले म्यानचेस्टर युनाइटेडका विरुद्ध शानदार जित निकालेको छ। शीर्ष चार स्थानको होडमा रहेको लिभरपुलले म्यानचेस्टर युनाइटेडलाई ४/२ गोल अन्तरले पराजित गर्यो ।
लिभरपुलको जितका लागि रोबेर्टो फिर्मिनोले २ गोल गरे भने मोहमद सलाह र डिओगो जोटाले एक/एक गोल गरे। म्यानचेस्टर युनाइटेडका लागि ब्रुनो फर्नानडेज र मार्कस राशफोर्डले एक/एक गोल गरे।
जितपछि लिभरपुल लिगमा पाँचौ स्थानमा उक्लिएको छ। ३५ खेलपछि लिभरपुलको अंक ६० पुगेको छ । म्यानचेस्टर युनाइटेडको ३६ खेलमा ७० अंक रहेको छ भने लेस्टर सिटीको ३६ खेलमा ६६ र चेल्सीको ३६ खेलमा ६४ अंक रहेको छ।
यस्तै वेस्टह्याम युनाइटेडको ३५ खेलमा ५८ अंक रहेको छ। यस सिजनको उपाधि जितिसकेको म्यानचेस्टर सिटीको भने ३५ खेलमा ८० अंक रहेको छ।
