माओवादी केन्द्रको निर्णय : एमाले प्रवेश गरेका स्थानीयतहका जनप्रतिनिधिलाई हटाइने (सूचिसहित)

काठमाडौं । नेकपा माओवादी केन्द्रको विहान आकस्मिक बसेको केन्द्रीय समितिको भर्चुअल वैठकले एमाले प्रवेश गरेका स्थानीय तहका जनप्रतिनिधिलाई हटाउने निर्णय गरेको छ ।

बैठकले एमाले प्रवेश गरेका स्थानीय जनप्रतिनिधिलाई पार्टीबाट निष्कासन गर्ने निर्णयलाई औपचारिकता दिएको नेता नारायाणकाजी श्रेष्ठले जानकारी दिनुभएको छ । माओवादी केन्द्रबाट चुनाव जितेर एमाले प्रवेश गरेका जनप्रतिनिधि १४ जना छन् ।

यसअघि बसेको माओवादी केन्द्रको केन्द्रीय समितिको बैठकले दल त्याग गरेकाहरुलाई कारबाही गर्ने निर्णयको अधिकार अध्यक्ष प्रचण्डलाई दिएको थियो ।

तर, निर्वाचन आयोगले केन्द्रीय समितिको बैठकले कारबाहीको निर्णय नभएको भन्दै दल त्यागको सूचना जारी गरेको थिएन । पार्टीबाट हटाइएका नेताहरुकोबारेमा दल त्यागको सूचना निर्वाचन आयोगले प्रकाशित नगरेको भन्दै हिजो मात्र माओवादी केन्द्रका नेताहरुले आयोग पदाधिकारीलाई भेटेर ध्यानाकर्षण गराएका थिए ।

वैठकमा अध्यक्ष प्रचण्डले विकसित राजनीतिक घटनाक्रमबारे ब्रिफिङ गर्नुभएको थियो । त्यसपछि वैठक पार्टी छाडेर एमाले प्रवेश गर्ने जनप्रतिनिधिलाई कारवाही गर्ने अजेण्डामा केन्दित भएको एक नेताले जानकारी दिनुभयो ।

नेकपा माओवादी केन्द्रबाट एमाले प्रवेश गरेका जनप्रतिनिधीहरुको विवरण

क्र.सं.	पद	नाम	स्थानीय तह
१.	प्रमुख	रिना कुमारी साह	मौलापुर न.पा. रौतहट
२.	प्रमुख	सियाराम कुशवाहा	कटहरिया न.पा. रौतहट
३.	उप्रमुख	परनिया देवी	देवाही गोनाही न.पा. रौतहट
४.	उप्रमुख	गौरिशंकर जयसवाल	मौलापुर न.पा. रौतहट
५.	उप्रमुख	कान्ती देवी	फतुवाविजयपुर न.पा. रौतहट
६.	उपप्रमुख	सिमल साह	मानवनारायण न.पा. रौतहट
७.	उपाध्यक्ष	गितादेवी साह	यमुनामाई गा.पा. रौतहट
८.	नगर का.पा. सदस्य	सतमीलाल दास ताती	लहान न.पा. सिरहा
९.	अध्यक्ष	शेष फारुक	सम्सी गा.पा. महोत्तरी
१०.	उपप्रमुख	छायाँ देवकोटा	भजनी न.पा. कैलाली
११.	वडाध्यक्ष	भागिरथी विष्ट	गौरीगंगा न.पा.–४, कैलाली
१२.	वडाध्यक्ष	शर्मानन्द भट्ट	गोदावरी न.पा.–१, कैलाली
१३.	वडाध्यक्ष	पुरन विसी	बर्दगोरिया न.पा.–४, कैलाली
१४.	वडाध्यक्ष	सुरेश कुमार थापा	चम्पादेवी गा.पा.–१, ओखलढुंगा