काठमाडौँ । प्रधानमन्त्री शेरबहादुर देउवा र निर्वाचन आयोगका पदाधिकारीले आगामी चुनावका बारेमा छलफल गर्नु भएको छ ।
आउँदो फागुन २१ बाट रिक्त हुने राष्ट्रिय सभाका १९ सदस्यको निर्वाचनको मिति तोक्नेलगायत विषयमा छलफल भएको जनाइएको छ ।
प्रमुख निर्वाचन आयुक्त दिनेशकुमार थपलियासहित आयुक्तहरूले बालुवाटार पुगेर प्रधानमन्त्री देउवासहित गृहमन्त्री बालकृष्ण खाँण, ऊर्जा मन्त्री पम्फा भुसाल, सञ्चार मन्त्री ज्ञानेन्द्रबहादुर कार्की, कानुन मन्त्री दिलेन्द्रप्रसाद बडुलगायतसँग छलफल गर्नु भएको थियो ।
स्थानीय तहको निर्वाचनबारे पनि कुराकानी भएको जनाइएको छ । आयोगले चैतभित्रै स्थानीय तहको निर्वाचन गर्नुपर्ने बताएको थियो।
साथै प्रतिनिधि सभामा रिक्त चार सदस्य, प्रदेश सभामा रिक्त १८ सदस्य पदमा उपनिर्वाचन गर्नेबारे पनि छलफल भएको आयोगले जनाएको छ।
