इतिहासकै उच्च तहमा रुस र चीनको सम्बन्ध : पुटिन

काठमाडौं । रुसी राष्ट्रपति भ्लादिमिर पुटिनले इतिहासकै उच्चस्तरमा रुस र चीनबीचको सम्बन्ध पुगेको बताउनुभएको छ ।

उहाँले दुई देशले सहयोगलाई अझ प्रगाढ बनाउने बताउँदै रुसी विदेश मन्त्रालयको बोर्डको विस्तारित बैठकमा , ‘हामी जनवादी गणतन्त्र चीनमा हाम्रा असल छिमेकी र मित्रहरूसँगको सम्बन्धलाई सुदृढ गर्ने प्रयत्न जारी राख्नेछौँ ।’

उहाँले २१औं शताब्दीमा द्विपक्षीय सम्बन्धले प्रभावकारी अन्तरजातीय सहयोगको नमुनाका रूपमा काम गरेको बताउनुभयो । राष्ट्रपति पुटिनले केही पश्चिमी देशहरूले खुल्ला रूपमा मस्को र बेइजिङको बीचमा फाटो ल्याउने प्रयास गरिरहेको आरोप समेत लगाउनुभएको छ ।

‘हाम्रा चिनियाँ मित्रहरूसँग मिलेर, हामी हाम्रो राजनीतिक, आर्थिक र अन्य सहयोग विस्तार गर्दै र अन्तर्राष्ट्रिय क्षेत्रमा कदमहरू समन्वय गरेर त्यस्ता प्रयासहरूको जवाफ दिनेछौँ’ उहाँले भन्नुभएको छ ।