काठमाडौं । नेपालमा थप २११ जनामा कोरोना संक्रमण देखिएको छ। देशभरि ९४५१ जनाको नमूना परीक्षण गर्दा यी संक्रमित देखिएको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार पीसीआर परीक्षणबाट १९७ र एन्टिजेन परीक्षणबाट १४ जनामा संक्रमण देखिएको थियो। त्यस्तै पछिल्लो २४ घन्टामा थप ३२९ जना संक्रमित कोरोनामुक्त भएका छन् भने थप दुई जना संक्रमितको मृत्यु भएको छ। नेपालमा हालः ६१०५ जना सक्रिय संक्रमित रहेको मन्त्रालयले जनाएको छ।
