उत्तरी चीनको साङ्सी प्रान्तमा ३० घण्टाभन्दा बढी समयदेखि बाढी आएको कोइला खानीमा फसेका २१ जना खानी कामदारको उद्धार कार्य जारी रहेको स्थानीय अधिकारीहरूले जानकारी दिएका छन्।
चार सय भन्दा बढी उद्धारकर्ताहरू उद्धार कार्यका लागि खटिएको बताइएको छ । घटनास्थलमा थुप्रै पम्पहरू स्थापना गरिएको पानी बाहिर फ्याक्ने प्रयास भइरहेको छ । आज बिहान ६ बजेसम्म खाडलमा पानीको स्तर २ दशमलव १ मिटरले घटेको जनाइएको छ ।
उद्धारकर्ताहरूले थप पम्पहरू जडान गरेर खाडलबाट प्रति घण्टा ३०० घन मिटरभन्दा बढी पानी निकाल्ने प्रयास गरिरहेका छन् । दुर्घटना सियाओई शहरको डुक्सिगो गाउँको कोइला खानीमा बुधबारराति करिब ११ बजे भएको थियो ।
प्रारम्भिक अनुसन्धान अनुसार दुर्घटनाको कारण अवैध उत्खनन रहेको बताइएको छ। न्यून तापक्रम र तीव्र हावाले खोजी र उद्धार कार्यलाई थप कठिन बनाएको बताइएको छ।
घटनामा संलग्न सात जनालाई स्थानीय सार्वजनिक सुरक्षा विभागले नियन्त्रणमा लिएको छ भने फरार अन्यको खोजी भइरहेको छ ।
