अन्तरिक्षमा पनि अब विवाह गर्न पाइने

काठमाडौं । अन्तरिक्षमा बिहे गर्ने आम सपना पनि अब यथार्थमा परिणत हुँदैछ। भविष्यमा स्पेस बेलुनमा बसेर जमिनभन्दा एक लाख फिट उचाइमा अन्तरिक्ष क्षेत्रमा बसेर जोडीहरूले बिहे गर्न पाउने छन्।

अमेरिकाको फ्लोरिडामा रहेको स्पेस पर्सपेक्टिभ नामक कम्पनीले त्यो विशेष खालको अन्तरिक्ष बेलुन तयार गरेको हो। उक्त बेलुनको आकार एउटा फुटबल रङ्गशाला जत्रो रहेको छ। अन्तरिक्षमा गएर बिहे गर्नका लागि डेढ करोड नेपाली रुपैया भुक्तान गर्नुपर्नेछ।

अन्तरिक्षमा गएर बिहे गर्ने यो कार्यक्रम सुरु हुन सन् २०२४ सम्म पर्खिनु पर्नेछ। कम्पनीका अनुसार केही मानिसले अन्तरिक्षमा बिहे गर्ने उक्त यात्राका लागि बुकिङ गरिसकेका छन्।

उक्त बेलुनमा एक पटकमा आठ जना मानिसले यात्रा गर्न सक्नेछन्। यो यात्रा छ घन्टाको हुनेछ।

Back to top button