देशका अधिकांश स्थानमा हल्कावर्षा

विराटनगर । हाल देशमा पश्चिमी न्यून चापिय प्रणालीको प्रभाव रहेको छ भने  देशका अधिकांश स्थानमा हल्कावर्षा भइरहेको छ ।

यस्तै उच्च पहाडी तथा हिमाली भूभागमा हल्का हिमपात भैरहेको जल तथा मौसम पूर्वानुमान महाशाखाले

जनाएको छ । महाशाखाका अनुसार आज दिउँसो देशभर सामान्य देखि पूर्णतया बदली रही धेरै स्थानहरूमा हल्कादेखि मध्यम वर्षाको सम्भावना रहेको छ। उच्च पहाडी तथा हिमाली भूभागहरुका धेरै स्थानहरुमा हल्का देखि मध्यम हिमपातको संभावना रहेको छ।

राति पनि देशभर सामान्य देखि पूर्णतया बदली रहनेछ। देशका धेरै स्थानहरूमा हल्का देखि मध्यम वर्षाको सम्भावना रहेको छ। देशको उच्च पहाडी तथा हिमाली भूभागका धेरै स्थानहरुमा हल्का देखि मध्यम हिमपातको पनि सम्भावना रहेको छ ।

यो मौसमी प्रणालीका कारण पर्वतारोहण, हवाई, यातायात लगायत दैनिक जनजीवनमा समेत असर पर्न सक्ने देखिएकोले चिसोवाट बच्न र हिमपातवाट हुन सक्ने प्रभाववाट जोगिन आवश्यक सतर्कता अपनाउन महाशाखाले अनुरोध गरेको छ ।

Back to top button