![](https://koshisandesh.com/wp-content/uploads/2022/01/IMG_9987.jpg)
![](https://koshisandesh.com/wp-content/uploads/2022/01/IMG_9987.jpg)
विराटनगर । मोरङ जिल्ला फुटबल संघले शनिबारदेखि जिल्ला स्तरी ‘ए’ डिभिजन लिग फुटबल प्रतियोगिता विराटनगरमा सुरु गरेको छ ।
प्रतियोगिताअन्तर्गत शनिबार भएको खेलमा मोतिराम स्पोर्टिङ क्लब र सम्राट स्पोर्टिङ क्लब विजयी भएका छन् । मोतिरामले बेलबारी फुटबल क्लबलाई ३–० गोल अन्तरमा पराजित गरेको छ । अर्को खेलमा सम्राटले हरैँचा स्पोर्टिङ क्लबलाई २–० गोल अन्तरमा पराजित गरेको हो ।
खेलको ६ मिनेटमा मोतिरामका टेकबहादुर लिम्बूले गोल गर्दै अग्रता दिलाउनुभयो । २५ औं मिनेटमा सागर चौधरीले गोल थपे । ७८ औं मिनेटमा घनश्याम चौहानले गोल थप्दै टोलीलाई विजयी बनाउनुभयो । खेलको म्यान अफ द म्याच मोतिरामका उमेश कार्की घोषित हुनुभयो ।
दोस्रो खेलको ५२ औं मिनेटमा सम्राटका सरोज अधिकारी गोल गर्दै अग्रता दिलाउनुभयो । ६४ औं मिनेटमा अर्जुन मगरले गोल थप्दै जित सुनिश्चित पारे । खेलको म्यान अफ द म्याच सम्राटका अर्जुन लिम्बू घोषित हुनुभयो ।
प्रतियोगिताको उद्घाटन विराटनगर महानगरपालिकका प्रमुख भीम पराजुलीले खेलाडीहरुलाई शुभकामना दिनुभयो । उहाँले महानगरले जहिले पनि खेल र खेलाडीको उन्नयनका लागि काम गरिरहेको बताउनुभयो ।
विराटनगरमा पहिलो पटक अन्तर्राष्ट्रिय प्रतियोगिता गर्न सफल भएको छ । पूर्व वरिष्ठ फुटबल प्रशिक्षक सन्तोष बानियाँ, मोरङ जिल्ला फुटबल संघका अध्यक्ष दीपेन्द्र धिमाल र प्रतियोगिता संयोजक धनबहादुर लामा लगायतको उपस्थिति रहेको थियो ।
प्रतियोगिताअन्तर्गत आइतबारको खेल खेल नव प्रगतिशिल समाज र उर्लाबारी स्पोर्टिङ क्लब र दोस्रो खेल साइनो स्पोर्टिङ क्लब र युनाइटेड स्पोर्टिङ क्लबबीच हुनेछ ।