आज मन्त्रिपरिषद बैठक बस्दै

काठमाडौं । आज मन्त्रिपरिषद बैठक बस्दै छ। आज अपरान्ह ३ बजे मन्त्रिपरिषद् नियमित बैठक बस्ने छ।

बैठकले स्थानीय तह निर्वाचनको मिति तोक्नसक्ने जनाइएको छ। यस अघि बिहीबार बस्ने मन्त्रिपरिषदको नियमित बैठक पनि प्रधानमन्त्री देउवाले रोक्नुभएको थियो ।

गत माघ १८ गते प्रधानमन्त्री शेरबहादुर देउवासँगको छलफलमा निर्वाचन आयोगका पदाधिकारीसँग छलफल गर्नुभएको थियो । आयोगले जेठ ४ गते स्थानीय चुनावको मिति घोषणा गर्न सरकारलाई सिफारिस गरिसकेको छ।

आयोगसँगको छलफलमा प्रधानमन्त्री शेरबहादुर देउवाले आयोगले सिफारिस अनुसार नै मन्त्रिपरिषदको आगामी बैठकमा मिति तोक्ने भन्दै आवश्यक तयारी थाल्न आयोगलाई निर्देशन दिसक्नुभएको छ । आयोगले पनि त्यहि अनुसार काम अघि बढाएको छ।

हिजो मात्रै प्रधानमन्त्री देउवाले प्रमुख प्रतिपक्षी दल नेकपा एमालेका अध्यक्ष केपी शर्मा ओली र सत्ता गठबनन्धनका सहयात्री माओवादी केन्द्रका अध्यक्ष पुष्पकमल दाहालसँग स्थानीय चुनावलगायतका विषयमा छलफल गर्नुभएको थियो ।

Back to top button