बेलायतबाट १३ लाख डोज अस्ट्राजेनिका खोप नेपाल आइपुग्यो

काठमाडौं । बेलायतबाट १३ लाख १२ हजार ८० डोज कोरोनाविरुद्धको अस्ट्राजेनिका खोप नेपाल आइपुगेको छ। बेलायत सरकारले कोभ्याक्स सुविधा मार्फत नेपाललाई त्यो खोप दिएको हो।

कतार एयरलाइन्सबाट खोप आज बिहान आइपुगेको स्वास्थ्य सेवा विभाग, व्यवस्थापन महाशाखा अन्तर्गत आपूर्ति शाखाले जनाएको छ। हाल त्यस खोपलाई टेकुस्थित केन्द्रीय खोप भण्डारण कक्षमा राखिएको र छिट्टै प्रदेशहरूमा पठाइने शाखाले जनाएको छ।

यस्तै,बेलायतले कोभ्याक्स सुविधाबाट २१ लाख ७४ हजार १६० डोज खोप पठाएको हो। जसमध्ये ८ लाख ६२ हजार ८० डोज खोप यसअघि नै आइसकेको छ। बाँकी रहेको १३ लाख १२ हजार ८० डोज खोप आज काठमाडौं आइपुगेको हो।

Back to top button