आईसिसी ट्वान्टी ट्वान्टी विश्वकप ग्लोबल छनौटको खेल आजदेखि सुरु, नेपालले ओमानसँग खेल्दै

काठमाडौं ।​ आईसिसी ट्वान्टी ट्वान्टी विश्वकप अन्तर्गत ग्लोबल छनोटका खेल आजदेखि ओमानमा सुरु हँदैछ। प्रतियोगितामा नेपालसहित ८ टोली सहभागी छन् । दोस्रो पटक आईसिसी ट्वान्टी ट्वान्टी विश्वकप खेल्ने लक्ष्यसहित नेपालले पहिलो खेल ओमानसँग खेल्ने छ।

यी दुई बीचको खेल बिहान पौने १२ बजे ओमान एकेडेमीमा सुरु हुने छ। ग्लोबल क्वालिफायरबाट शीर्ष दुईभित्र परेर नेपाल आउँदो अक्टोबरमा अष्ट्रेलियामा हुने ट्वान्टी ट्वान्टी विश्वकपमा स्थान बनाउने लक्ष्यमा छ।

छनोट प्रतियोगितालाई मध्येनजर गर्दै नेपालले ओमान मै चारदेशीय सिरिज खेलेको थियो । नेपालले ओमानलाई पराजित गरेको थियो भने अन्य दुई खेलमा हार व्यहोरेको थियो ।

नेपालले दोस्रो खेल फागुन ७ गते फिलिपिन्ससँग र तेस्रो खेल फागुन ९ गते क्यानडासँग खेल्दैछ। समूहका दुई टिम सेमिफाइनलमा र सेमिफाइनलमा जित हात पार्ने टिम सोझै विश्वकपमा पुग्नेछ। खेलको नेपालमा प्रत्यक्ष प्रशारण हिमालय टिभीले गर्नेछ।

Back to top button