तोलामा ३५ सय रुपैयाँले घट्यो सुन

काठमाडौं । नेपाली बजारमा सुनको भाउ एकै दिन प्रतितोला ३५ सय रुपैयाँले घटेको छ।

हिजो सुनको भाउमा कीर्तिमान कायम गर्दै तोलाको १ लाख ५ हजार ५ सय पुगेको थियो। आज भने ३५ सयले घटेर छापावाल सुन प्रतितोला १ लाख २ हजार रुपैयाँमा आइपुगेको नेपाल सुनचाँदी व्यवसायी महासंघले जनाएको छ।

त्यस्तै तेजावी सुनको भाउ १ लाख १ हजार ५ सय रुपैयाँमा झरेको छ।

आज चाँदी पनि तोलामा ४५ रुपैयाँले घटेको छ। चाँदी प्रतितोला १ हजार ४ सय ५ रुपैयाँमा कारोबार भइरहेको छ।