सौन्दर्यकर्मीले मनाए होली

विराटनगर । विराटनगरका सौन्दर्यकर्मीहरुले होली पर्व मनाएका छन् । बुधबार विराटनगरमा एक कार्यक्रमका बीच उनीहरुले शुभकामना आदानप्रदान तथा रंग दलेर होली मनाएका हुन् ।

 शुभकामना आदानप्रदान कार्यक्रममा भेला भएका सौन्दर्यकर्मीहरुले पेशालाई मर्यादित बनाउन सबैको सहयोग आवश्यक रहेकोमा जोड दिए ।

एमाले निकट राष्ट्रिय सौन्दर्यकर्मी युनियन नेपाल विराटनगर महानगर कमिटीले आयोजना गरेको सो कार्यक्रममा जिफन्ट प्रदेश १ अध्यक्ष किशोर धमला र सौन्दर्यकर्मी युनियनकी उपमहासचिव ममता प्रधानलाई सम्मान गरिएको युनियनकी महानगर अध्यक्ष अमिता पोखरेलले बताइनउनु भयो ।

सौन्दर्यकर्मीहरुलाई एकताबद्ध गर्न र आपसी सद्भाव बढाउन कार्यक्रमको आयोजना गरिएको सचिव भली सुब्बाले जानकारी दिनुभयो ।

कार्यक्रममा एमाले विराटनगर महानगर कमिटी अध्यक्ष सागर थापा, प्रेस चौतारी मोरङका सचिव शशांक पौडेल, युनियनकी प्रदेश उपाध्यक्ष ललिता धिमाल, प्रदेश सचिव कला डाँगीलगायतका होली पर्वको शुभकामना व्यक्त गर्नुभएको थियो।

Back to top button