काठमाडौं । नेकपा माओवादी केन्द्र कर्णाली प्रदेशले प्रदेशसभा सांसद तथा माओवादी नेता ठम्बरबहादुर विष्टलाई निलम्बन गरेको छ।
पार्टीको निर्देशन विपरित कार्य गरेको भन्दै नेता विष्टलाई निष्कासन गरिएको माओवादी केन्द्र कर्णाली प्रदेश संसदीय दलका नेता महेन्द्रबहादुर शाहीले जानकारी दिनुभयो ।
उहाँलाई राजीनामा फिर्ता लिएर नियमित काममा फर्किन माओवादी केन्द्रले यस अघि नै निर्देशन दिएको थियो। प्रमुख सचेतक नेता विष्टले फागुन २७ गते पार्टीबाटै राजीनामा दिएको घोषणा गर्नुभएको थियो ।
उहाँ आज एमालेमा प्रवेश गर्दैहुनुहुन्छ । उहाँलाई एमालेमा भित्र्याउन एमालेका वरिष्ठ उपाध्यक्ष ईश्वर पोखरेल कर्णाली प्रदेशको राजधानी सुर्खेत जानुहुने छ ।
