प्याब्सनको १५ औं राष्ट्रिय महाधिवेशन आज हुँदै

काठमाडौं । निजी तथा आवासीय विद्यालय अर्गनाइजेशन (प्याब्सन) नेपालको १५ औँ राष्ट्रिय महाधिवेशन आज काठमाडौंमा हुँदै छ।

आगामी तीन वर्षे कार्यकालका लागि नयाँ नेतृत्व चयन हुने यस महाधिवेशनमा वर्तमान सहअध्यक्ष डिके ढुङ्गाना भावी अध्यक्षमा निर्विरोध भइसक्नुभएको छ ।

अन्य केही पदमा पनि निर्विरोध चयन भइसकेको छ। प्याब्सनमा २७ पदाधिकारी र ३९ सदस्यसहित ६६ जनाको केन्द्रीय कार्यसमिति हुनेछ। महाधिवेशनमा देशभरबाट दुई हजार ३ सय प्रतिनिधि सहभागी हुनेछन्।