एमाले केन्द्रीय कमिटी बैठक स्थलमा भएको कुटाकुट कार्यकर्ताको नभएर दुई पत्रकारको

काठमाडौं (एमालेको केन्द्रीय कमिटी बैठक सुरु नहुँदै दुईजना बीच कुटाकुट भएको भिडियो बाहिरयो ।

उक्त भिडियो हेरेर धेरै जनाले एमाले कार्यकर्ताबीच कुटाकुट भएको भनेर बुझे । कतिपयले फोन गरेर सोधे । र,केही सञ्चार माध्यमले एमाले कार्यकर्ता बीच कुटाकुट भनेर समाचार भने,लेखे र देखाए पनि । तर वास्तविकता यो होइन । दुईजना पत्रकारबीचको आपसी झगडा भौतिक आक्रमणमा परिणत भएको हो ।

बैठक स्थलमा खटिएका सुरक्षाकर्मीका अनुसार समाचार संकलनमा गएका सञ्चारकर्मीहरू अनलाइन न्यूज ‘१२ खरी’का फोटो पत्रकार हरिश क्षेत्री र हिमालय टेलिभिजनका क्यामेरा पर्सन श्याम थापा सार्वजनिक स्थलमै कुटाकुटमा उत्रिनुभएको थियो । त्यस भिडिओ अहिले फेसबुक र टिकटक सञ्जालभरि भाइरल भएको छ।

प्रहरीका अनुसार दिउसो १२ बजे एमालेको केन्द्रीय कमिटी बैठक शुरु हुनै लागेको थियो। नेताहरू आउने क्रम जारी थियो।
अचानक हरिस क्षेत्री र श्याम थापा भिड्न थाल्नुभयो । नजिकै रहेका हिमालय टीभीकै अर्का पत्रकार विनोद थापा छु्ट्ट्याउन जानुभयो ।

कस्सिएर भिडिरहनुभएका उहाँहरूलाई विनोदले छुट्टाउन सक्नुभएन । अन्तिममा दुई जना प्रहरी आएर छुट्टाउन सफल भए । हरिश क्षेत्रीले आफूलाई अपशब्द बोलेकोले उहाँलाई हात हालेको श्याम थापाले बताउभयो । २७ पुसमा पृथ्वी जयन्तीको फोटो खिच्दा पनि दुई बिच विवाद भएको पत्रकारहरु बताउछन् ।

दोस्रो पटक नेकपा माओवादी केन्द्रका कार्यक्रममा झगडा भएको घटना देख्ने पत्रकारहरू बताउँछन्। नेकपा माओवादीको महाधिवेशन अघि भएको एक कार्यक्रममा सामान्य वादविवाद भएको थियो। आज भने कुटाकुट नै भएको हो।