काठमाडौं । इण्डियन प्रिमियर लिग (आईपीएल) क्रिकेटमा आज दुई खेल हुँदैछन् ।
पहिलो खेलमा दिल्ली क्यापिटल्स र मुम्बई इण्डियन्स आमनेसामने हुँदैछन्। खेल नेपाली समयअनुसार अपराह्न ३ः४५ बजे मुम्बईस्थित ब्राबोर्न स्टेडियममा हुँदैछ।
दिल्ली ऋषभ पन्तको कप्तानीमा मैदानमा उत्रिँदैछ भने मुम्बईको कप्तानी रोहित शर्माले गर्नुहुनेछ ।
यस्तै दोस्रो खेलमा पञ्जाब किङ्स र रोयल च्यालेञ्जर्स बैंगलोरबीच प्रतिस्पर्धा हुँदैछ। खेल मुम्बईको डीवाई पाटिल स्टेडियममा नेपाली समयअनुसार साँझ ७ः४५ बजे सुरु हुँदैछ।
पञ्जाबको कप्तान मयंक अग्रवाल छन् भने बैंगलोर फाफ डु प्लेससको कप्तानीमा छ।
