दैलेख । नेकपा एकीकृत समाजवादी दैलेख जिल्लाका सचिव मानबहादुर खड्का एमालेमा प्रवेश गर्नुभएको छ । एक कार्यक्रमका बीच उहाँलाई एमाले जिल्ला अध्यक्ष रवीन्द्रराज शर्माले स्वागत गर्नुभएको हो ।
खड्काले प्रेस विज्ञप्ति जारी गर्दै आफू एमालेमा सामेल भएको सार्वजनिक गराउनुभएको छ । उहाँले विज्ञप्तिमा भन्नुभएको छ, ‘५० को दशकको सुरुमा पार्टी जिल्ला कमिटी सदस्यको रुपमा कार्यरत रही मैले दैलेख कम्युनिष्ट आन्दोलनमा आफ्नो सकरात्मक र इमान्दार राजनीतिक कार्यकर्ताको परिचय छोडेको छु । आजैबाट एसको सबै जिम्मेवारी छोडी एमालेको झन्डामुनि गोलबन्द हुने निर्णय गरेको छु ।’
उहाँ २०५४ सालको स्थानीय निकायको निर्वाचनमा कटी गाउँ विकास समितिमा एमालेको तर्फबाट उपाध्यक्ष निर्वाचित हुनुभएको थियो।
