![](https://koshisandesh.com/wp-content/uploads/2021/07/mukhyamntri-ko-karyalaya.jpg)
![](https://koshisandesh.com/wp-content/uploads/2021/07/mukhyamntri-ko-karyalaya.jpg)
विराटनगर । प्रदेश– १ सरकारको आज बसेको मन्त्रिपरिषद्को बैठकले केही बाधाअड्काउ फुकाउनेलगायतका निर्णयहरू गरेको छ ।
मुख्यमन्त्री राजेन्द्रकुमार राईको अध्यक्षतामा बसेको बैठकले विद्यालयमा किशोरी सशक्तिकरण कार्यक्रम निर्देशिका, २०७९ स्वीकृत गरेको छ ।
प्रदेश नं. १ सरकारका प्रवक्ता एवं यातायात व्यवस्था तथा सञ्चार मन्त्री उपेन्द्रप्रसाद घिमिरेका अनुसार बाधा अड्काउ फुकाउने निर्णयपछि सम्बन्धित मन्त्रालयका मन्त्रीलाई लगानी प्राधिकरणको सदस्य बन्ने बाटो खुलेको छ ।
यसैगरी किशोरी सशक्तिकरण कार्यक्रम निर्देशिका, २०७९ जारी पछि विद्यालयलक्षित किशोरी सशक्तिकरण कार्यक्रम अघि बढ्ने मन्त्री घिमिरेले बताउनुभएको छ ।