आज सुदूरपहाडमा ५.३ रेक्टर स्केलको भूकम्प

बैतडी । बैतडीसहित सुदूरपश्चिम प्रदेशका पहाडी जिल्लामा आज भूकम्पको धक्का महसुस गरिएको छ।

भूकम्प मापन केन्द्र सुर्खेतका प्राविधिक सहायक तीर्थराज दाहलका अनुसार बिहान १० बजेर १८ मिनेटमा ५.३ रेक्टर स्केलको भूकम्प गएको हो।

उक्त भूकम्पको केन्द्रबिन्दु दार्चुलाबाट ३० किलोमिटर पश्चिम भारतमा रहेको छ। भूकम्पको धक्का सुदूरपश्चिमका बैतडी, दार्चुला,बझाङ र डडेल्धुरामा भूकम्पको महसुस गरिएको छ।

भूकम्पबाट अहिलेसम्म क्षति भएको विवरण नआएको प्रहरीले जनाएको छ। यसअघि वैशाख ६ गते पनि सुदूरपश्चिमको सैनपसेला केन्द्रबिन्दु भएर ४.१ रेक्टर स्केलको भूकम्प गएको थियो।

Back to top button