बालेन साहद्धारा नेवारी भाषामा सपथ

काठमाडौं । काठमाडौं महानगरपालिकाका नवनिर्वाचित मेयर बालेन्द्र साह (बालेन)ले पद तथा गोपनीयताको सपथ ग्रहण गर्नुभएको छ ।

मुख्य निर्वाचन अधिकृत काठमाडौं जिल्ला अदालतका न्यायाधीश राजकुमार खतिवडाले मेयर साहलाई पद तथा गोपनीयताको सपथ ग्रहण गराउनुभएको हो ।

मेयर साहले सुरुमा नेपाली भाषामा सपथ लिनुभएको थिए भने त्यसपछि नेपाल भाषामा सपथ लिनुभएको थियो । त्यस्तै, नवनिर्वाचित उपमेयर सुनिता डंगोलले समेत पद तथा गोपनियताको सपथ ग्रहण गर्नुभएको छ ।

उपमेयर डंगोललाई मेयर साहले सपथ ग्रहण गराउनुभएको हो । उपमेयर डंगोलले भने नेपाल भाषामै सपथ लिनुभएको थियोे । मेयर साहले नेपाली भाषामा सपथ ग्रहण गराउँदा डंगोलले नेपाल भाषामा सपथ लिनुभएको हो ।

यस्तै, मेयर साहले काठमाडौं महानगरपालिकाका नवनिर्वाचित वडाध्यक्ष, नगर कार्यसमिति सदस्यहरूलाई समेत पद तथा गोपनीयताको सपथ ग्रहण गराउनुभएको छ ।

Back to top button