‘द सिक्रेट अफ राधा’को दुई नयाँ पोस्टर सार्वजनिक

काठमाडौं । सुवर्ण थापाको निर्देशनमा बनेको फिल्म ‘द सेक्रेट अफ राधा’को दुई वटा नयाँ पोस्टर सार्वजनिक भएका छन्। भदौ १० देखि प्रदर्शनमा आउने फिल्मको पोस्टरमा मुख्य कलाकारलाई देखाइएको छ।

सार्वजनिक पोस्टरमा फिल्मकी मुख्य कलाकार सृष्टि श्रेष्ठसहित सौगात मल्ल, दयाहाङ राई, दिव्य देव, खगेन्द्र लामिछाने, मेनुका प्रधान, बुद्धि तामाङ र निश्चल बस्नेत देखिनुभएको छ । यी बाहेक फिल्ममा पुस्कर गुरुङ, पशुपति राई, लोकेन्द्र लेखक, राजन खतिवडालगायत कलाकारको पनि अभिनय रहेको छ।

‘राधा’ सौगात मल्लको निर्माताको रुपमा डेब्यु फिल्म हो। फिल्मलाई सौगात र निर्देशक थापाले संयुक्त रुपमा निर्माण गर्नुुभएको हो । यो फिल्म राधा थापाले आफ्नी आमाको सम्झनामा बनाएको फिल्म हो। यसअघि उहाँको निर्देशनमा बनेको फिल्म ‘सुनगाभा’ प्रदर्शनमा आइसकेको छ भने अर्को फिल्म ‘म’ साउन २० देखि प्रदर्शनमा आउँदैछ।

यस्तै, फिल्ममा नरेन्द्र मैनालीको छायांकन, निमेश श्रेष्ठको सम्पादन र कालीप्रसाद बाँस्कोटाको संगीत रहेको छ।

Back to top button