काठमाडौं । पछिल्लो २४ घण्टामा थप ३ सय ९१ जनामा कोरोना भाइरसको संक्रमण पुष्टि भएको छ।
स्वास्थ्य मन्त्रालयका अनुसार पछिल्लो २४ घण्टामा कोरोनाबाट कसैको पनि मृत्यु भएको छैन। हालसम्म कोरोनाबाट ११ हजार ९ सय ५४ जनाले ज्यान गुमाएका छन्।
आज ४६ जना कोरोना संक्रमणमुक्त भएको स्वास्थ्य मन्त्रालयले जनाएको छ। हाल देशभर २ हजार २ सय ७६ जना सक्रिय संक्रमित रहेका छन्।
गत २४ घन्टामा २ हजार ५ सय ६२ पीसीआर तथा १ हजार ४ सय १९ एन्टिजेन परीक्षण भएको छ।
