विराटनगर । जनता समाजवादी पार्टी (जसपा)की नेतृ तथा सांस्कृतिक अभियन्ता बसुन्धरा झासहित सयौं नेता कार्यकर्ता एमालेमा प्रवेश गर्नुभएको छ ।
उहाँहरुलाई आज पार्टी कार्यालय मोरङमा आयोजित पार्टी प्रवेश कार्यक्रममा नेकपा एमालेका स्थायी कमिटी सदस्य गुरु बरालले अबिर खादा लगाएर पार्टीमा स्वागत गर्नुभएको हो ।
झासँगै जसपाको जहदा नगर कमिटीका उपाध्यक्ष निरादेवी शाह, सचिव रुपा महतो, कोषाध्यक्ष सीता पैदारलगायत सिंगो नगर कमिटी एमालेमा समाहित भएको छ ।
यस्तै सिके राउतको जनमत पार्टीबाट समेत गंगा सहनीलगायतको समूह आज एमालेमा प्रवेश गरेको छ । गत स्थानीय तहको निर्वाचनमा विराटनगर ११ बाट अध्यक्षका उम्मेदवार रहनुभएका सहनीसहित समूह आज एमाले प्रवेश गरेको हो ।
उहाँहरुलाई स्थायी कमिटी सदस्य बरालसँगै, केन्द्रिय सदस्य रामलाल साह, जीवन घिमिरे, मोरङका उपाध्यक्ष बाबुराम कार्की, प्रदेश ६ ‘ख’ का उम्मेदवार पर्शुराम बस्नेतलगायतले स्वागत गर्नुभएको छ ।
नवप्रवेशीहरुलाई स्वागत गर्दै स्थायी कमिटी सदस्य बरालले जनताको पार्टी नेकपा एमाले रहेको बुझ्दै प्रवेश गरेकोमा बधाई दिनुभयो ।
