काठमाडौं । नेप्से परिसूचक आज सामान्य अंकले वृद्धि भएको छ। नेप्से परिसूचक ८ दशमलव १५ अंकले वृद्ध भएर २१७३ दशमलव २५ विन्दुमा अडिएको छ।
अघिल्लो कारोबार दिन हिजो सेयर बजारमा सामान्य करेक्सन आएको थियो। सो दिन २ दशमलव ०५ अंकले बजार ओरालो लागेको थियो। यसदिन २४८ कम्पनीको ८३ लाख १८७ कित्ता सेयर ३ अर्ब ३२ लाख ३० हजार रुपैयाँमा खरिदबिक्री भयो। हिजो ३ अर्ब ८६ करोड रुपैयाँमा सेयर किनबेच भएको थियो।
कारोबारमा आएका १३ उपसमूहमध्ये ९ को मूल्य बढ्यो भने ४ को घट्यो। फाइनान्स समूहको सूचक सर्वाधिक ३ दशमलव ८८ प्रतिशतले बढ्यो।
यस्तै, म्युचुअल फन्डको २ दशमलव १० प्रतिशतले ओरालो लाग्यो। दुई कम्पनीको मूल्यमा सकारात्मक सर्किट लेभलमा कारोबार भयो। सानिमा जीआईसी इन्स्योरेन्स र सूर्योदय वमी लघुवित्त वित्तीय संस्थाको सेयर मूल्यमा सकारात्मक सर्किट लेभलमा कारोबार भयो।
कारोबार रकमका आधारमा नेपाल दूरसंचार कम्पनी शीर्ष स्थानमा रहयो। सो कम्पनीको १२ करोड बढिको सेयर खरिदबिक्री भयो।
