काठमाडौं । नेपाली बजारमा प्रतितोला सुनको मूल्य १ लाख ६ हजार ९ सय पुगेको छ। यो हालसम्मकै उच्च मूल्य हो । अघिल्लो दिन प्रतितोला १ लाख ६ हजार २ सयमा कारोबार भएको सुनको मूल्य आज ६ सय रुपैयाँले वृद्धि भएको हो।
नेपाल सुनचाँदी व्यवसायी महासंघका अनुसार आज तेजाबी सुनको मूल्य प्रतितोला १ लाख ६ हजार ४०० तोकिएको छ । यसको मूल्य अघिल्लो दिन १ लाख ५ हजार ७०० थियो।
यस्तै, आज सुनको मूल्य बढेसँगै चाँदी पनि बढेको छ। चाँदीको मूल्य १५ रुपैयाँले बढेर प्रतितोला १ हजार ३ सय ८० पुगेको महासंघले जनाएको छ । अन्तर्राष्ट्रिय बजारमा सुन तथा चाँदीको मूल्य बढेकाले बजारमा त्यसको प्रभाव परेको हो।
महासंघले अन्तर्राष्ट्रिय बजारमा हुने सुन तथा चाँदीको मूल्यका आधारमा दैनिक यहाँ कारोबार मूल्य तोक्दै आएको छ ।
