नेसपाले राष्ट्रपति निर्वाचनमा कांग्रेस उम्मेदवारलाई मत दिने

काठमाडौं । डा. बाबुराम भट्टराई नेतृत्वको नेपाल समाजवादी पार्टी (नेसपा)ले राष्ट्रपति निर्वाचनमा नेपाली कांग्रेसका उम्मेदवारलाई मत दिने भएको छ । नेसपाको बैठकले आगामी फागुन २५ गते हुने राष्ट्रपति निर्वाचनमा नेपाली कांग्रेसका उम्मेदवार रामचन्द्र पौडेललाई मत दिने निर्णय गरेको हो ।

बैठकले राष्ट्रपति निर्वाचनका सन्दर्भमा बनेको नयाँ गठबन्धनलाई सहयोग गर्ने निर्णय पनि गरेको नेसपाका एक नेताले बताए ।

नेकपा माओवादी केन्द्रको चुनाव चिह्न लिएर गत निर्वाचन लडेको नेसपाका संघीय संसदमा २ र प्रदेश सभामा २ जना सांसद छन् । राष्ट्रपति निर्वाचनमा नेसपाको मतभार २५४ छ ।

यस्तै, नेपाली कांग्रेसले रामचन्द्र पौडेललाई र नेकपा एमालेले सुवासचन्द्र नेम्बाङलाई उम्मेदवार उठाउने निर्णय गरेका छन् ।

Back to top button