![](https://koshisandesh.com/wp-content/uploads/2023/03/koshisandesh-photo.jpg)
![](https://koshisandesh.com/wp-content/uploads/2023/03/koshisandesh-photo.jpg)
काठमाडौं । नेकपा एमालेका नेताहरु डिल्लीबजार कारागार पुगेर रेशम चौधरीलाई भेट्नुभएको छ । टीकापुर घटनामा जन्मकैदको सजाय काटिरहेका चौधरी नागरिक उन्मुक्ति पार्टीका संरक्षक हुन् ।
चौधरीलाई भेट्न एमाले सचिव योगेश भट्टराई, नेताहरु कृष्णगोपाल श्रेष्ठ, भगवती चौधरी, ठाकुर गैरेलगायतका नेताहरु जानुभएको थियो ।
भेटमा आफूहरुले राष्ट्रपति निर्वाचनमा आफ्नो दलका उम्मेदवार सुवासचन्द्र नेम्वाङलाई मत माग्न आग्रह गरेको एमाले सचिव भट्टराईले जानकारी दिनुभयो ।
चौधरीले भने २४ गते बस्ने पार्टीको बैठकले यसबारे निर्णय लिने प्रतिकृया दिनुभएको छ । यसअघि एमाले नेताहरुले लोकतान्त्रिक समाजवादी पार्टीका नेताहरुलाई भेट्नुभएको थियो ।