काठमाडौं । नेपाली कांग्रेसका सभापति शेरबहादुर देउवाले होली पर्वले पारस्परिक एकता र सामाजिक सद्भाव अभिवृद्धि गर्न सबैलाई प्रेरित गर्न सकोस् भन्ने कामना गर्नुभएको छ ।
होलीको शुभकामना दिँदै उहाँले सबैको घरपरिवारमा सुख, शान्ति र समृद्धिको वातावरण सिर्जना होस् भन्ने कामना गर्नुभएको हो ।
आज शुभकामना दिँदै उहाँले भन्नुभएको छ,‘वसन्त ऋतुको आगमनसँगै आपसी मेलमिलाप र सद्भावनाको सन्देश लिई आएको होली पर्वले सबैको घरपरिवारमा सुख, शान्ति र समृद्धिको वातावरण सिर्जना गर्दै पारस्परिक एकता र सामाजिक सद्भाव अभिवृद्धि गर्न सबैलाई प्रेरित गर्न सकोस् भन्दै पुनः शुभकामना व्यक्त गर्दछु।’
यस्तै, उहाँले होली पर्व हाम्रो एक धार्मिक र सांस्कृतिक पर्व भएको उल्लेख गर्नुभएको छ । अन्यायमाथि न्यायको विजयको शाश्वत सन्देश दिने यो पर्वलाई नेपाली समाजले हरेक वर्ष पारिवारिक स्नेह, पारस्परिक एकता र सामाजिक सद्भावका साथ मनाउँदै आएको छ।
