चितवन क्षेत्र नं.२ को उपनिर्वाचनका लागि १८ दल दर्ता

काठमाडौं । आगामी १० वैशाखमा चितवन क्षेत्र नम्बर–२ मा हुने उपनिर्वाचनमा १८ दल सहभागी हुने भएका छन् ।

निर्वाचन आयोगले आह्वान गर्दा तोकिएको समयभित्र १८ दल दर्ता भएका प्रवक्ता शालिग्राम शर्मा पौडेलले जानकारी दिनुभयो । दर्ता भएका दलहरुको नाम नेपाल राजपत्रमा प्रकाशित गरिने आयोगले जनाएको छ ।

दर्ता भएका दलहरुलाई आयोगले चुनाव चिह्न पनि प्रदान गरेको छ । १० वैशाखको उपनिर्वाचनमा गत ४ मंसिरको चुनावमा दलहरुले समानुपातिक पद्धतितर्फ पाएको मतको आधारमा क्रम निर्धारण गरिएको र त्यही आधारमा मतपत्रमा नाम राखिने पनि आयोगले जनाएको छ ।

आयोगले प्रकाशन गरेको दल दर्ताको सूचीः