ऐतिहासिक क्रिकेट टिमलाई जनही १ लाख दिने बागमती प्रदेशको घोषणा

हेटौंडा । बागमती प्रदेश सरकारले विश्वकपको ग्लोबल क्वालिफायरमा स्थान बनाउन सफल राष्ट्रिय क्रिकेट टिमका प्रत्येक खेलाडीलाई जनही १ लाख रुपैयाँ दिने घोषणा गरेको छ।

बागमती प्रदेशका मुख्यमन्त्री शालिकराम जम्कट्टेलले प्रदेश सरकारको तर्फबाट आज उक्त घोषणा गर्नुभएको हो ।

‘खेलाडीको सम्मान र हौसालाको लागि बागमती प्रदेश सरकारले राष्ट्रिय क्रिकेट टिमका प्रत्येक खेलाडीलाई जनही १ लाख दिने भएका छौं’, उहाँले भन्नुभयो।

बागमती प्रदेशका खेलाडीहरु समेत सम्मिलित उक्त टिमलाई जितको लागि बधाई दिँदै मुख्यमन्त्री जम्कट्टेलले थप प्रगति र सफलताको शुभकामना समेत दिनुभएको छ ।

नेपालले हिजो घरेलु मैदान कीर्तिपुरमा यूएईलाई ९ रनले पराजित गर्दै विश्वकपको ग्लोबल क्वालिफायरमा स्थान बनाएको थियो।

Back to top button