![](https://koshisandesh.com/wp-content/uploads/2023/01/Prachanda-2.jpg)
![](https://koshisandesh.com/wp-content/uploads/2023/01/Prachanda-2.jpg)
काठमाडौं । एसीसी प्रिमियर कपको उपाधी जित्न सफल भएकोमा नेपाली क्रिकेट टोलीलाई प्रधानमन्त्री पुष्पकमल दाहाल ‘प्रचण्ड’ ले बधाइ दिनुभएको छ ।
प्रधानमन्त्री प्रचण्डले यूएईविरुद्ध शानदार जित निकालेकोमा नेपाली टोलीलाई शुभकामना तथा बधाइ दिँदै दिनुभएको हो । एसिया कपमा छनोट हुनु ठूलो सफलता भएको भन्दै प्रधानमन्त्री प्रचण्डले विजेता खेलाडीहरूलाई सरकारको तर्फबाट थप प्रोत्साहन र पुरस्कृत गर्ने प्रतिवद्धता व्यक्त गर्नुभयो ।
प्रधानमन्त्रीले भन्नुभएको छ, ‘देशको पहिचान र प्रतिष्ठा एवं नेपालीलाई उर्जा प्रदान गर्ने खेलाडीहरूको योगदानप्रति उच्च सम्मान गर्दै सरकारको तर्फबाट थप प्रोत्साहन र पुरस्कृत गर्ने प्रतिवद्धता व्यक्त गर्दछु ।’
नेपाल फाइनलमा यूएईलाई सात विकेटले पराजित गर्दै एसिया कपमा छनोट भएको छ।