काठमाडौं । प्रधानमन्त्री पुष्पकमल दाहाल ‘प्रचण्ड’ले सत्तासाझेदार दलको बैठक बोलाउनुभएको छ । बैठक सिंहदरबास्थित प्रधानमन्त्री तथा मन्त्रिपरिषद कार्यालयमा दिउँसो साढे २ बजे बस्नेछ।
सरकारले ल्याउन लागेको नीति तथा कार्यक्रममाथि छलफल गर्न प्रधानमन्त्रीले सत्तासाझेदार दलको बैठक बोलाउनुभएको प्रधानमन्त्रीको स्वकीय सचिव रमेश मल्लले जानकारी दिनुभयो।
सरकारले जेठ ५ गते नीति तथा कार्यक्रम ल्याउने तयारी गरेको छ। सत्तासाझेदार दलमा नेकपा माओवादी केन्द्र,नेपाली कांग्रेस,नेकपा एकीकृत समाजवादी,जनता समाजवादी पार्टी,लोकतान्त्रिक समाजवादी पार्टी,जनमत पार्टी,राष्ट्रिय जनमोर्चा,नेपाल समाजवादी पार्टी,आमजनता पार्टी र नागरिक उन्मुक्ति पार्टी छन्।
यस्तै, सरकारले जेठ ५ गते नीति तथा कार्यक्रम र जेठ १५ गते बजेट ल्याउने तयारी गरेको छ।
