काठमाडौं । नेकपा माओवादी केन्द्रकी हेटौंडा उपमहानगरकी अध्यक्ष तथा जिल्ला सचिवालय सदस्य नमुना पाण्डे नेकपा एमालेमा प्रवेश गर्नुभएको छ।
आज दिउँसो भक्तपुरस्थित एमाले अध्यक्ष केपी शर्मा ओली निवास बालकोट पुगेर पाण्डे एमालेमा प्रवेश गर्नुभएको हो। उहाँलाई अध्यक्ष ओलीले खादा लगाएर पार्टीमा स्वागत गर्नुभयो।
माओवादी केन्द्रको नेतृत्वले पार्टीलाई क्लबमा परिणत गरेको र यसबाट देश समृद्धितर्फ लम्कन नसक्ने देखेर एमाले रोजेको पाण्डेले बताउनुभयो । उहाँले देशमा एमाले मात्रै कम्युनिष्ट पार्टी रहेको बुझेर आफू एमालेमा प्रवेश गरेको बताउनुभयो ।
