धनगढी । नेकपा माओवादी केन्द्रको केन्द्रीय सचिव डिलाराम आचार्यको नेतृत्वमा सुदूरपश्चिम प्रदेश सचिवालय गठन गरेको छ ।
सचिवालय सदस्यमा स्थायी समिति सदस्य खगराज भट्ट, केन्द्रीय सदस्य हरिलाल ज्ञवाली, हेमराज भट्टराई, नेपबहादुर चौधरी, बीरमान चौधरी, लक्ष्मणदत्त जोशी, बिना मगर, त्रिलोचन भट्ट र शरद सिंह भण्डारी हुनुहुन्छ । यो सचिवालयमा प्रदेश अध्यक्ष पदेन सदस्य रहन्छन् ।
पार्टी अध्यक्ष पुष्पकमल दाहाल ‘प्रचण्ड’ र महासचिव देवबहादुर गुरुङले प्रदेश इञ्चार्ज र अध्यक्षलाई पठाएको पत्रमा पार्टीको कामलाई व्यवस्थित गर्न सचिवालय गठन गर्ने व्यवस्था भए पनि सुदूरपश्चिममा लामो समयदेखि गठन हुन नसकेकाले अर्को व्यवस्था नहुँदासम्मका लागि सचिवालय गठन गरेको उल्लेख छ ।
यस्तै, १७ फागुन २०७८ मा माओवादी केन्द्रले सुदूरपश्चिम प्रदेश अधिवेशन सम्पन्न गरेको थियो । त्यसयता प्रदेश सचिवालय गठन हुन सकेको थिएन ।
