बेलायतका राजा चार्ल्सलाई क्यान्सर

बेलायतका राजा चार्ल्सलाई एक प्रकारको क्यान्सर भएको पत्ता लागेको बकिङ्गम दरबारले जनाएको छ । प्रोस्टेट बढेपछि परीक्षण गराउँदा क्यान्सर पत्ता लागेको भएपनि यो प्रस्टेट क्यान्सर नभएको जनाइएको छ ।

क्यान्सरको प्रकार खुलाइएको छैन । तर, दरबारले प्रकाशित गरेको वक्तव्यअनुसार राजाले हिजोबाट ‘नियमित उपचार’ थाल्नुभएको छ ।

पचहत्तर वर्षीय राजा सार्वजनिक गतिविधिमा सहभागी हुने छैनन् । उहाँको उपचारको समयमा रानी कमिला एवं राजकुमार विलियमले राजकीय दायित्व निर्वाह गर्नुहुने छ । सार्वजनिक कार्यक्रमहरूमा सहभागी नभए पनि राजाले राष्ट्रप्रमुखको आफ्नो संवैधानिक उत्तरदायित्व भने निर्वाह गरिरहनुहुने छ ।

उनले लन्डनस्थित एउटा निजी अस्पतालमा एक साताभन्दा केही समयअघि प्रस्टेटको उपचार गराउनुभएको थियो। राजाले आफ्नो प्रस्टेट उपचारलाई सार्वजनिक गर्नुको कारण अरू मानिसहरूलाई पनि प्रस्टेट जाँच गराउन प्रेरित गर्ने उद्देश्यले भएको बताइएको छ।

राजा चार्ल्स सार्वजनिक गतिविधिमा सहभागी हुनुहुने छैन् । उहाँको उपचारको क्रममा रानी कमिला एवं राजकुमार विलियमले उहाँका दायित्वहरू निर्वाह गर्नुहुने छ । तर, ७५ वर्षका राजाले राष्ट्रप्रमुखको आफ्नो संवैधानिक दायित्वलाई निरन्तरता दिनुहुने छ ।

Back to top button