काठमाडौं । स्वास्थ्य बीमा बोर्डको निमित्त कार्यकारी निर्देशकमा डा.मुक्तिराम श्रेष्ठ नियुक्त हुनुभएको छ । स्वास्थ्य तथा जनसंख्या मन्त्रालयले मन्त्रीस्तरीय निर्णय गर्दै श्रेष्ठलाई निमित्त कार्यकारी निर्देशकको जिम्मेवारी दिएको हो ।
स्वास्थ्यमन्त्री मोहनबहादुर बस्नेतले डा.श्रेष्ठलाई डेढ महिनाअघि मात्रै बोर्डको सदस्यमा नियुक्त गर्नुभएको थियो ।
यसअघिका कार्यकारी निर्देशक डा.दामोदर बसौलालाई स्वास्थ्यमन्त्री बस्नेतले हटाएसँगै अहिलेको लागि निमित्त को जिम्मेवारी दिइएको हो । ‘निमित्त कार्यकारीको जिम्मेवारी दिएको छ । आज मैले पत्र समेत बुझिसकेको छु’, डा.श्रेष्ठले भन्नुभयो ।
यस्तै, डा. श्रेष्ठ नेपाल चिकित्सक संघको पूर्वअध्यक्ष समेत हो ।
