![](https://koshisandesh.com/wp-content/uploads/2024/02/Ramchandra-Paudel-and-Menuka-Paudel.jpg)
![](https://koshisandesh.com/wp-content/uploads/2024/02/Ramchandra-Paudel-and-Menuka-Paudel.jpg)
काठमाडौं । राष्ट्रपति रामचन्द्र पौडेलले इण्डियन आइडलको उत्कृष्ट १० मा पर्न सफल नेपाली गायिका मेनुका पौडेललाई बधाई दिनुभएको छ । आज शीतल निवासमा राष्ट्रपति पौडेलले उहाँलाई धन्यवाद दिंदै सम्मानसमेत व्यक्त गर्नुभयो ।
राष्ट्रपतिले मेनुकाको परिश्रम, मेहनत र योग्यताले सबै नेपालीको शिर उँचो बनाएको बताउनुभएको उहाँको सचिवालयले जनाएको छ । मेहनत र क्षमता देखाएर देशका छोराछोरीले मुलुकको शान र गौरव बढाउने उहाँको भनाइ थियो ।
यस्तै, गायिका पौडेल यतिबेला काठमाडौंमा हुनुहुन्छ । इण्डियन आइडलको अन्तिम १० बाट उहाँ गत साता बाहिरिनुभएको थियो। उक्त भारतीय रियालिटी शोले मेनुकालाई चर्चा दिलाएको छ ।