![](https://koshisandesh.com/wp-content/uploads/2021/08/tribhuvan-international-airport-scaled.jpg)
![](https://koshisandesh.com/wp-content/uploads/2021/08/tribhuvan-international-airport-scaled.jpg)
काठमाडौं । त्रिभुवन अन्तर्राष्ट्रिय विमानस्थलबाट ८ सय ५५ ग्राम सुनसहित १ जना पक्राउ परेका छन् ।
अर्धठोस बनाएर ल्याइएको अवस्थामा सुनसहित भारतीय नागरिक ३५ वर्षीय शरिफ अहमद अब्दुल गफुरलाई विमानस्थल सुरक्षा प्रहरी कार्यालयले पक्राउ गरेको एसएसपी कृष्णहरि शर्माले जानकारी दिनुभयो ।
उहाँका अनुसार, सोमबार राति दुबईबाट आएका गफुरलाई शंका लागेर जाँच गर्दा सुन फेला परेको थियो । गफुर फ्लाई दुबईको उडानमार्फत काठमाडौं आएका थिए ।
गफुरलाई थप अनुसन्धान र कारबाहीका लागि विमानस्थल भन्सार कार्यालय बुझाइएको एसएसपी शर्माले बताउनुभयो ।