![](https://koshisandesh.com/wp-content/uploads/2024/04/Eleena-Chauhan-Wedding.jpg)
![](https://koshisandesh.com/wp-content/uploads/2024/04/Eleena-Chauhan-Wedding.jpg)
विर्तामोड । गायिका एलिना चौहानले आज विवाह गर्नुभएको छ । झापाको विर्तामोडस्थित विर्ता पार्टी प्यालेसमा आयोजित वैवाहिक समारोहमा उहाँले प्रेमी विष्णु सापकोटालाई वरमाला पहिराउनुभएको हो ।
बेहुला बेहुलीको पहिरनमा ठाँटिनुभएका उहाँहरुले खुसी हुँदै औंठी साटासाट गर्नुभयो । आफन्त र एलिना निकट कलाकारहरु रचना रिमाल, मेलिना मैनालीलगायत विवाहमा उपस्थित हुनुहुन्थ्यो ।
विष्णु बागलुङको घरबाट जन्ती लिएर हिजो बेलुका नै झापा आउनुभएको थियो । अहिले उक्त पार्टी प्यालेसमा विवाह समारोह चलिरहेको छ । भव्य सजावटसहित आयोजित समारोहमा सांगीतिक माहोल पनि चलिरहेको छ ।