![](https://koshisandesh.com/wp-content/uploads/2022/04/itahari-upamahanagar.jpg)
![](https://koshisandesh.com/wp-content/uploads/2022/04/itahari-upamahanagar.jpg)
विराटनगर । केही दिनदेखि बढेको अत्यधिक गर्मीका कारण सुनसरीको इटहरी उपमहानगरपालिकाले विद्यालयमा बिदा दिइएको छ । अत्यधिक गर्मी बढेको भन्दै इटहरी उपमहानगरले २ दिन विद्यालय बिदा दिइएको हो ।
गर्मीका कारण बालबालिकाहरूको स्वास्थ्यमा प्रतिकूल प्रभाव परेको भन्दै इटहरी उपमहानगरपालिकाले जेठ १७।१८ गते सबै सामुदायिक र संस्थागत विद्यालय बन्द गर्ने निर्णय गरेको हो ।
इटहरीका मेयर हेमकर्ण पौडेलले गर्मीका कारण पठन–पाठनमा समस्या आएको भन्दै विद्यालय विदा दिइएको बताउनुभयो ।
बालबालिकामा गर्मीका कारण विभिन्न किसिमको समस्या हुने भएकाले समस्याबाट जोगाउनका लागि वर्षे बिदाबाट कट्टा हुनेगरी बिदा दिइएको उहाँले बताउनुभयो ।
यस्तै, केही दिनयता पूर्वी तराईमा अत्यधिक गर्मी बढेपछि जनजीवन प्रभावित बनेको छ ।