उपसभापति पदको १२०० मतगणना :धनराज र पूर्णबहादुरको अग्रता

काठमाडौं । नेपाली कांग्रेसको १४औं महाधिवेशनबाट नेतृत्व चयनका लागि भएको मतदानअन्तर्गत उपसभापति पदको १२०० मतगणना भएको छ ।

उपसभापतिको १२०० मतगणना हुँदा डा. चन्द्र भण्डारीले ४७२, धनराज गुरुङले ५४३, पूर्णबहादुर खड्काले ५०१, विजयकुमार गच्छदारले ४५४ मत प्राप्त गर्नु भएको छ ।

कांग्रेस महाधिवेशनमा ४ हजार ७४३ प्रतिनिधि चुनिएर आएकामा ४ हजार ६७९ जनाले मतदान गरेका निर्वाचन समितिले जनाएको छ ।

केन्द्रीय कार्यसमितिका २ उपसभापतिमा डा. चन्द्र भण्डारी, दिव्यश्वरी शाह, धनराज गुरुङ, पूर्णबहादुर खड्का, महेश आचार्य, विजयकुमार गच्छदार र सुजाता कोइराला प्रतिस्पर्धामा हुनुहुन्छ ।