अमेरिकी इतिहासकै खतरानाक जासुस भनेर चिनिने रोबर्ट ह्यान्सन मृत फेला

काठमाडौं । अमेरिकी इतिहासकै सबैभन्दा खतरनाक जासुस भनेर चिनिने रोबर्ट ह्यान्सन मृत फेला पर्नुभएको छ ।

एफबीआईका पूर्व एजेन्ट ह्यान्सन कालोराडोस्थित जेलभित्र उहाँ मृत फेला पर्नुभएको बीबीसीले जनाएको छ । ७९ वर्षीय ह्यान्सनको मृत्युको कारण पुष्टि हुन सकेको छैन ।

अमेरिकी जाँच एजेन्सी एफबीआईको एजेन्ट हुँदाहुँदै रुसको लागि जासुसी गरेको आरोप उहाँमाथि थियो । १२ जनवरी १९७६ मा एफबीआई अफिसरको रुपमा काम गर्नुभएका ह्यान्सनले करिब २० वर्षसम्म रुसको लागि जासुसी गर्नुभएको थियो ।

यो अवधिमा रुसले ह्यान्सनको खातामा १४ लाख डलरभन्दा बढी रकम ट्रान्सफर गरिदिएको र हिरा दिएको बीबीसीमा उल्लेख छ ।

सन् १९९४ मा एफबीआईले जासुस एल्ड्रिच हेजेन एम्सलाई पक्राउ गरेपछि ह्यान्सनको पनि संलग्नता खुलेको थियो । यो कुराको पुष्टि भएपछि अदालतले उहाँलाई सन् २००२ मा आजीवन काराबासको सजायँ सुनाएको थियो ।

Back to top button