मकालु साहित्यिक समाजद्वारा आयोजित कोशी प्रदेशस्तरीय लोकदोहोरी प्रतियोगिता सम्पन्न

विराटनगर । मकालु साहित्यिक समाज संखुवासभाको आयोजनामा पञ्चेबाजामा कोशी प्रदेशस्तरीय लोकदोहोरी प्रतियोगिता सम्पन्न भएको छ ।

प्राज्ञ खेम नेपालीको प्रमुख आतिथ्यतामा भएको प्रतियोगितामा तेह्रथुमका कमल बुढाथोकी र भुमिका खनालको समुहले प्रथम स्थान प्राप्त गरेको छ ।

यस्तै खोटाङको गंगा गौतम र रमेश आचार्यको समुह द्वितीय हुँदा संखुवासभाको मनकामना समुह तृतीय भएका छन् ।
प्रथम, द्वितीय र तृतीय हुने समुहलाई क्रमशः २५, २० र १५ हजारका साथमा प्रमाणपत्र प्रदान गरिएको थियो ।

लोकसंस्कृति र बञ्चेबाजाको संरक्षण गर्ने उद्देश्यले प्रतियोगिता आयोजना गरिएको आयोजक संस्थाका अध्यक्ष ताराबहादुर बुढाथोकीले जानकारी दिनुभयो ।

कार्यक्रममा पन्चैबाजाका कलाकारहरुले संगीत दिनुभएको थियो । सोही अवसरमा साहित्यकार खेम नेपाली, गंगा सुवेदी र गायक संजीव धिमाललाई सम्मान गरिएको थियो । खाँदबारी नगरपालिका वडा नम्बर ७बmउस को सहयोगमा ‘महिला हिंसा र दुव्र्यसन विरुद्ध’ माविस्तरीय लोकदोहोरी पनि सम्पन्न भएको छ ।

प्रतियोगितामा नगर क्षेत्रभित्रका ८ वटा माविका दोहोरी टिम सहभागी भएकामा आदर्श विद्यामन्दिर प्रथम, अरुण भ्याल्ली बोर्डिङ दोस्रो र मनमकामना मावि तेस्रो भए ।

लोपोन्मुख संस्कृतिको संरक्षणसहित समाजमा सचेतना अभिवृद्धिमा प्रतियोगिता अत्यन्तै फलदायी भएको अग्रज साहित्यकारसमेत रहनुभएका आयोजक संस्थाका अध्यक्ष बुढाथोकीले दाबी गर्नुभयोे ।

Back to top button