‘एक्सको छम्मा पछि सिर्जना खत्रीले ल्याइन ‘तिम्रै प्यारी अर्धाङ्गिनी’

काठमाडौं । गायिका सिर्जना खत्री हाउडेमायाको ‘तिम्रै प्यारी अर्धाङ्गिनी’ सार्वजनिक भएको छ । स्वयं खत्रीको शब्द र स्वर रहेको सो गीतमा कालीप्रसाद बाँस्कोटाले संगीत भरेका छन् । गीतमा खत्री र केवलजंग कुँवरको अभिनय छ ।

पछिल्लो समय ‘एक्सको छम्मा’ गीत गाएर चर्चा कमाएकी उनले हाल यो गीत सार्वजनिक भएपछि स्रोता तथा दर्शकबाट सकारात्मक प्रतिक्रिया पाएको बताइन् ।

‘विगतको गीतबाट यस्तै गीत मात्र गाउँछे भन्ने जुन टिप्पणी आएको थियो, त्यसलाई यो गीतले चिरेको छ’, उनले भनिन् । माया गर्ने सम्पूर्ण जोडीका लागि यो गीत समर्पित रहेको गायिका खत्रीले बताइन् । गीत उनकै व्यक्तिगत युट्युब च्यानलबाट सार्वजनिक गरिएको छ ।