काठमाडौं । स्थानीय तहको निर्वाचनअन्तर्गत आज भएको मतदानमा अपराह्न ३ बजेसम्म करिब ५० प्रतिशत मतदान भएको निर्वाचन आयोगले जनाएको छ ।
कूल ७ सय ५३ स्थानीय तहका १० हजार ७ सय ५६ मतदानस्थलका २१ हजार ९ सय ५५ मतदान केन्द्रमध्ये कपिलबस्तुको महाराजगञ्ज नगरपालिका र दाङको तुलसीपुर उपमहानगरपालिका वडा नं १७ बाहेकका सबै मतदान केन्द्रमा बिहान ७ बजेदेखि मतदान भइरहेको आयोगका प्रवक्ता शालिग्राम शर्मा पौडेलले जानकारी दिनुभयो ।
यस्तै, केही छिटफुट घटनाबाहेक देशभर शान्तिपूर्ण तथा उत्साहजनकरुपमा मतदान भइरहेको उहाँको भनाइ थियो ।
