काठमाडौं । नेपाली कांग्रेसले पार्टीको ‘मेलमिलाप दिवस’मा नेकपा एमालेका अध्यक्ष केपी शर्मा ओलीलाई वक्ताका रुपमा निम्तो दिएको छ । यही पुस १६ गते हुने कांग्रेसको ‘मेलमिलाप दिवस’मा अध्यक्ष ओलीलाई सभापति शेरबहादुर देउवाले फोन गरेर निम्तो दिनुभएको हो ।
कांग्रेसले १६ गते ‘राष्ट्रिय एकता तथा मेलमिलाप दिवस’ मनाउँदै छ । पुस १६ गते दिउँसो १ बजे प्रज्ञा भवन कमलादीमा हुने कार्यक्रमका लागि वक्ताका रुपमा सभापति देउवाले अध्यक्ष ओलीलाई फोन गरेर निम्तो दिनुभएको हो ।
आज कार्यक्रममा आमन्त्रणका लागि औपचारिक रुपमा पत्र नै पठाउने कांग्रेसले जनाएको छ ।
