महासमिति बैठक व्यवस्थित बनाउन देउवाद्वारा उपसमिति संयोजक चयन

काठमाडौं । नेपाली कांग्रेसका सभापति शेरबहादुर देउवाले आगामी फागुन ७ गतेदेखि सुरु हुने पार्टीको महासमिति बैठकको तयारीका लागि विभिन्न उपसमितिको संयोजक चयन गर्नुभएको छ । संयोजक चयन गरी उनीहरूलाई जिम्मेवारी समेत दिइसकिएको छ ।

महासमिति बैठक व्यवस्थित एवं प्रभावकारी बनाउन उपसमिति संयोजकको जिम्मेवारी तोकिएको मुख्यसचिव कृष्णप्रसाद पौडेलले जानकारी दिनुभयो ।

महासमितिको बैठक तयारी मूल समितिका संयोजक समेत रहनुभएका देउवाले प्रचार–प्रसार उपसमितिको संयोजकमा मीनबहादुर विश्वकर्मा,आवास समन्वय उपसमितिको संयोजकमा मदनबहादुर अमात्य, भोजन व्यवस्थापन उपसमितिको संयोजकमा उदयशम्शेर राणा, यातायात व्यवस्थापन उपसमितिको संयोजकमा धना खतिवडालाई चयन गर्नुभएको हो ।

यसैगरी स्वयंसेवक परिचालन उपसमितिको संयोजकमा जीतजङ्ग बस्नेत, स्वास्थ्य समन्वय उपसमितिको संयोजकमा उर्मिला नेपाल केसी, प्रदेश समन्वय उपसमितिको संयोजकमा ईन्द्रबहादुर बानियाँ र स्थानीय व्यवस्थापन उपसमितिको संयोजकमा जितेन्द्र श्रेष्ठ (जिल्ला सभापति ललितपुर)लाई जिम्मेजारी दिइएको हो ।