काठमाडौं । देवेन्द्र बब्लुको नयाँ गीत ‘म त पर्खेको पर्खै छु’ सार्वजनिक भएको छ। देवेन्द्रकै स्वर, शब्द तथा संगीत रहेको गीत हिजो उहाँकै युट्युब च्यानलमार्फत सार्वजनिक गरिएको हो।
गीत एरेन्ज कृष्ण बिके भान्जाले गर्नुभएको छ भने मिक्सिङ श्यामश्वेत रसाइलीको रहेको छ । प्रेम सम्बन्ध टुटेपछि सबै बिर्सेर अघि बढ्न नसकेको प्रेमीको अवस्थालाई गीतले समेट्न खोजेको छ ।
गत वर्षको सार्वजनिक भएको देवेन्द्रकै ‘भेटै हुन्न कि’ बोलको गीतको दोस्रो भागको रुपमा ‘पर्खेको पर्खै छु’ बनाइएको हो। उक्त गीत युट्युबमा झण्डै ४० लाख पटक हेरिएको छ।
विशाल घिमिरेको निर्देशनमा बनेको उक्त भिडियोमा दीप सागर र रोशनी कार्कीको अभिनय रहेको छ। गीतको छायांकन अनिल के मानन्धरले गर्नुभएको हो भने सम्पादन नविन घर्ती मगरको हो। देवेन्द्रका ‘म हाँसे हाँस्छौ र ? ’कसरी’, ‘दिल दुख्यो’ मनमायालगायत गीत चर्चित छन्।
